კონფიდენციალურობის პოლიტიკა

1. ვინ ვართ

KviriaAI-ს ოპერატორია შპს კვირია ეიაი (საიდენტიფიკაციო კოდი 440402574). კითხვებისთვის მოგვწერეთ: contact@kviria.ai.

2. მოკლედ

თქვენს მონაცემებს არ ვყიდით და უსაფრთხოდ ვინახავთ. ფიზიკური პირების ანგარიშებზე საუბრები შეიძლება გამოვიყენოთ მომსახურების გასაუმჯობესებლად, მათ შორის AI მოდელების დასასწავლად, ამიტომ ეს ანგარიშები კონფიდენციალური ინფორმაციისთვის არ არის განკუთვნილი.

ორგანიზაციების მონაცემებს AI მოდელების დასასწავლად არ ვიყენებთ, ისინი სხვა ორგანიზაციებისგან გამიჯნულია და ჩვენი თანამშრომლები მათ არ ხსნიან, თუ ორგანიზაცია არ გვთხოვს.

3. რა ინფორმაციას ვამუშავებთ

ანგარიშის მონაცემები: ელფოსტა და, თუ Google-ით შეხვალთ, Google-ის მიერ გადმოცემული სახელი და პროფილის სურათი.

გამოყენების მონაცემები: თქვენი კითხვები, პასუხები და საუბრის ის კონტექსტი, რომელიც პასუხის მოსამზადებლად არის საჭირო, ასევე დღიური შეკითხვების რაოდენობა უფასო ლიმიტის აღსარიცხად.

ორგანიზაციის ანგარიშზე ამას ემატება ატვირთული ფაილები, მათგან ამოღებული ტექსტი და შექმნილი დოკუმენტები.

ვებგვერდზე დემოს მოთხოვნისას ვამუშავებთ იმ მონაცემებს, რომლებსაც თავად მიუთითებთ, მხოლოდ თქვენთან დასაკავშირებლად.

4. ფიზიკური პირების ანგარიშები

საუბრებს უსაფრთხოდ ვინახავთ, არ ვყიდით და არ ვასაჯაროებთ. ისინი შეიძლება გამოვიყენოთ მომსახურების გასაუმჯობესებლად: გამოყენების ანალიზისთვის, პასუხების ხარისხის შესაფასებლად და AI მოდელების დასასწავლად.

ამიტომ ნუ შეიყვანთ კონფიდენციალურ ინფორმაციას — მაგალითად, კლიენტის საქმის დეტალებს ან სხვა პირის პერსონალურ მონაცემებს. ასეთი სამუშაოსთვის გამოიყენეთ ორგანიზაციის ანგარიში.

5. ორგანიზაციების ანგარიშები

ორგანიზაციის საუბრებს, ფაილებსა და შექმნილ დოკუმენტებს AI მოდელების დასასწავლად არ ვიყენებთ და სხვა მომხმარებლებს არ ვუზიარებთ. ისინი სხვა ორგანიზაციების მონაცემებისგან მონაცემთა ბაზის დონეზეა გამიჯნული და დაშიფრულია შენახვისას და გადაცემისას.

KviriaAI-ის თანამშრომლები ორგანიზაციის მასალებს მხოლოდ ორგანიზაციის ნებართვით ხსნიან — მაგალითად, მხარდაჭერის მოთხოვნისას — ან სავალდებულო სამართლებრივი მოთხოვნის შესასრულებლად. ორგანიზაცია თავად წყვეტს, რომელ წევრს რომელ საქმეზე აქვს წვდომა.

6. ვინ ამუშავებს მონაცემებს ჩვენი სახელით

მომსახურების გასაწევად ვიყენებთ სანდო ტექნიკურ პარტნიორებს: ჰოსტინგისა და მონაცემთა ბაზის, AI მოდელის, ტექსტის ამოცნობისა და ელფოსტის გაგზავნის სერვისებს. ისინი მონაცემებს მხოლოდ ჩვენი მითითებით და ხელშეკრულების საფუძველზე ამუშავებენ და თქვენს მონაცემებს საკუთარი AI მოდელების დასასწავლად არ იყენებენ.

7. სად მუშავდება მონაცემები

ანგარიშები, საუბრები და დოკუმენტები ინახება შვეიცარიაში.

პასუხის მოსამზადებლად კითხვა და საჭირო კონტექსტი იგზავნება AI მოდელთან, რომელიც შეიძლება მუშაობდეს სხვადასხვა ქვეყანაში, მათ შორის ევროკავშირისა და შვეიცარიის ფარგლებს გარეთ. ორგანიზაციების ატვირთული დოკუმენტების ტექსტის ამოცნობა ევროკავშირში ხდება.

8. ტექნიკური ჩანაწერები

სერვისის მუშაობისა და უსაფრთხოების მონიტორინგისთვის ვინახავთ ტექნიკურ მონაცემებს, როგორიცაა მოთხოვნის დრო, სტატუსი და გამოყენების მოცულობა. ჩვეულებრივ ტექნიკურ ჩანაწერებში თქვენი კითხვების, პასუხებისა და ფაილების შინაარსი არ შეგვაქვს.

9. შენახვა და წაშლა

შენახული საუბრები და დოკუმენტები მუშაობის გაგრძელების საშუალებას გაძლევთ. წაშლილი მასალა შეიძლება 30 დღემდე შევინახოთ აღდგენის მიზნით, რის შემდეგაც ის საბოლოოდ იშლება. ორგანიზაციასთან შეთანხმება შეიძლება განსაზღვრავდეს დამატებით წესებს.

10. თქვენი უფლებები

შეგიძლიათ მოითხოვოთ თქვენს მონაცემებზე წვდომა, მათი გასწორება ან წაშლა — მოგვწერეთ contact@kviria.ai. თუ მიგაჩნიათ, რომ თქვენი უფლებები დაირღვა, შეგიძლიათ მიმართოთ საქართველოს პერსონალურ მონაცემთა დაცვის სამსახურს.

კონფიდენციალურობის ვალდებულება თავისთავად არ ანიჭებს მიმოწერას ადვოკატის პროფესიული საიდუმლოების სამართლებრივ დაცვას.

• პერსონალურ მონაცემთა დაცვის სამსახური

11. ცვლილებები

პოლიტიკის განახლებას ამ გვერდზე გამოვაქვეყნებთ. არსებითი ცვლილებების შესახებ ანგარიშის მფლობელებს წინასწარ შევატყობინებთ.